نومارچ کو لاہور میں منعقد ہونے والی ’’صوفیاء کرامؒ کانفرنس‘‘ کے ا نتظامات کا جائزہ لینے کیلئے ایم کیو ایم رابطہ کمیٹی کا ڈونگی گراؤنڈ کا دورہ

لاہور ۔۔۔۔۔2، مارچ،2014 ؁ء

متحدہ قومی موومنٹ کی رابطہ کمیٹی کے اراکین کنور نوید جمیل ، امین الحق ، محمد عادل خان ، اسلم شاہ آفریدی ، ایم کیوا یم صوبائی تنظیمی کمیٹی کے انچارج ارشادظفیر، حق پرست اراکینِ اسمبلی ، ایم کیو ایم سینٹرل پنجاب کمیٹی کے سینئر نائب صدر اقبال قریشی ، جنرل سیکریٹری رانا اشرف ایڈوکیٹ اور لاہور ڈسٹرکٹ کے صدر ارتضیٰ کاظمی نے دیگر ذمہ داران و کارکنان کے ہمراہ 9مارچ کو لاہور میں منعقد ہونے والی ’’صوفیاء کرامؒ کانفرنس‘‘ کے ا نتظامات کا جائزہ لینے کیلئے ڈونگی گراؤنڈ بمقام ، وحدت کالونی ، نیو مسلم ٹاؤن ، لاہور کا دورہ کیا اور گراؤنڈ و انتظامات کا جائزہ لیا۔ اس موقع پر گفتگو کرتے ہوئے ایم کیو ایم رابطہ کمیٹی کے رکن کنور نوید جمیل نے ذمہ داران و کارکنان کو تاکید کی کے ذمہ داران و کارکنان 9مارچ کو لاہور میں منعقد ہونے والی ’’صوفیاء کرامؒ کانفرنس‘‘ کوکامیاب بنانے کیلئے بھرپور محنت کریں ۔ انہوں نے کہا کہ9 مارچ کو لاہور میں منعقد ہونے والی ’’صوفیاء کرامؒ کانفرنس‘‘ اپنی نوعیت کی ایک اعلیٰ اور مثالی کانفرنس ہوگی جس میں تمام مکاتبِ فکر سے تعلق رکھنے والے علماء، مشائخ ، گدی نشین اور عوام بڑی تعداد میں شرکت کریگی اور یہ کانفرنس دنیا بھر کو یہ پیغام دیگی کہ پنجاب کی دھرتی ان اولیاء و صوفیاء کرام کی دھرتی ہے جنہوں نے ہمیشہ امن ،آتشی ، محبت و انسانیت کی فلاح کا نہ صرف پیغام دیا بلکہ اس کیلئے عملی جدوجہد بھی کی اور 9مارچ کو لاہور میں منعقد ہونے والی ’’صوفیاء کرامؒ کانفرنس‘‘ یہ ثابت کردیگی کہ ایم کیو ایم ملک کی واحد جماعت ہے جو اولیاء و صوفیاء کرامؒ کے پیغام کو ملک کے کونے کونے میں پھیلارہی ہے جس سے عوام الناس میں محبت و امن کے جذبے کوفروغ ملے گا ۔