ایم کیوایم ناظم آباد گلبہار سیکٹرکے سینئر کارکن حامد خان شہید اور اورنگی ٹاؤن سیکٹر یونٹ 121کے کارکن قمر اسلام شہید اور ہمدرد توفیق زماں شہید کو سخی حسن اور گلشن بہار کے قبرستان میں آہوں اور سسکیوں کے درمیان سپرد خاک کردیا گیا

کراچی ۔۔۔2، مارچ 2014ء 

گزشتہ روز ناظم آباد میں مسلح دہشت گردوں کی فائرنگ سے شہید ہونے والے ایم کیوایم ناظم آباد گلبہار سیکٹر یونٹ183کے سینئر کارکن حامد خان، اورنگی ٹاؤن میں مسلح دہشت گردوں کی فائرنگ سے شہید ہونے والے ایم کیوایم اورنگی ٹاؤن سیکٹر یونٹ 121کے کارکن قمر اسلام اور ہمدرد توفیق زماں کو آج آہوں اور سسکیوں کے درمیان سخی حسن اور گلشن بہار اورنگی ٹاؤن کے قبرستان میں سپرد خاک کردیا گیا ۔ ایم کیوایم ناظم آباد گلبہار سیکٹر کے سینئر کارکن حامد خان کی نماز جنازہ ناظم آباد نمبر 3میں واقع جامع مسجد گول مارکیٹ میں ادا کی گئی جبکہ ایم کیوایم اورنگی ٹاؤن سیکٹر کے کارکن قمر اسلام اور ہمدرد توفیق زماں کی نما ز جنازہ جوہر چوک مین روڈ شاہراہِ قذافی گلشن بہار میں ادا کی گئی ۔ شہداء کی نما زجنازہ اور تدفین میں ایم کیوایم کی رابطہ کمیٹی کے اراکین سیف یار خان ، کیف الوریٰ ، بابر خان غوری ، حق پرست ارکان قومی وصوبائی اسمبلی ، کراچی تنظیمی کمیٹی کے اراکین ، ایم کیوایم ناظم آباد گلبہار اور اورنگی ٹاؤن سیکٹر کمیٹی کے ارکان ، یونٹوں کے ذمہ داران ، کارکنان ، ہمدردوں اور شہیدوں کے عزیز و اقارب نے بڑی تعداد میں شرکت کی ۔