ایم کیوایم یونٹ 183 کے کارکن محمد خالد شہید کو سینکڑوں سوگواران کی آہوں سسکیوں کے درمیان پاپوش نگر کے قبرستان میں سپرد خاک
نماز جنازہ و تدفین میں ایم کیوایم کی رابطہ کمیٹی کے ارکان سیف یار خان، کیف الوریٰ، بابر غوری، حق پرست ارکان اسمبلی سمیت شہید کے عزیز و اقارب کی شرکت
کراچی ۔۔۔یکم ،مارچ2014ء
گزشتہ روز ناظم آباد میں انتہاء پسند مسلح وہشت گردوں کی فائرنگ سے شہید ہونے والے ایم کیوایم یونٹ 183 کے کارکن محمدخالد شہید کوسینکڑوں سو گواروں کی آہوں اورسسکیوں کے درمیان پاپوش نگر کے قبرستان میں سپردخاک کر دیا گیا جبکہ شہید کی نمازجنازہ جامع مسجد صدیق اکبرؓ گول مارکیٹ ناظم آباد میں ادا کی گئی۔ نمازجنازہ و تدفین میں ایم کیوایم کی رابطہ کمیٹی کے ارکان سیف یار خان، کیف الوریٰ ،بابر غوری،، حق پرست رکن قومی اسمبلی سفیان یوسف،، حق پرست ارکان صوبائی اسمبلی رؤف صدیقی،ریحان ظفر، دلاور خان، کراچی تنظیمی کمیٹی کے اراکین، علاقائی سیکٹر زو یونٹس کے ذمہ داران وکارکنان سمیت شہید کے عزیز اقارب نے بڑی تعداد میں شرکت کی۔