کوئٹہ میں ایف سی کی گاڑی پر فائرنگ اور جمرود میں پولیو ٹیموں پر دیسی ساختہ بموں سے حملے پر الطاف حسین کا اظہار مذمت

لندن۔۔۔یکم ، مارچ2014ء

متحدہ قومی موومنٹ کے قائد جناب الطاف حسین نے کوئٹہ میں پہاڑ کے اوپر سے ایف سی کی گاڑی پر فائرنگ اور پشاور کے علاقے جمرود میں پولیو ٹیموں پر دیسی ساختہ بموں سے حملوں کی سخت ترین الفاظ میں مذمت کی ہے اور دہشت گردی کے ان واقعات میں متعددسیکورٹی اہلکاروں اور پولیو ٹیم کے رضاکاروں شہید و ززخمی ہونے پر گہرے دکھ اور افسوس کااظہا رکیا ہے ۔ایک بیان میں انہوں نے کہاکہ ملک میں دہشت گردی کے واقعات بڑھتے جارہے ہیں لیکن حکومت انسدادِ دہشت گردی کیلئے اب تک کوئی ٹھوس اور مثبت قدم نہیں اٹھا سکی ہے ۔ انہوں نے کہا کہ کوئٹہ اور پشاور میں دہشت گردی کے واقعات اس بات کا ثبوت ہے کہ حکومت کی کمزوری اور دہشت گردی کے خلاف غیر واضح حکمت عملی دہشت گردوں کے حوصلے مزید بلند کررہی ہے جس کی جتنی بھی مذمت کی جائے کم ہے ۔ انہوں نے کوئٹہ اور پشاور کے علاقے جمرود میں دہشت گردی کے واقعات میں شہید ہونے والی سیکورٹی اہلکاروں اور پولیو ٹیم کے رضاکاروں کے تمام سوگوار لواحقین سے تعزیت وہمدردی کااظہا رکیا اوردعا کی کہ اللہ تعالیٰ شہیدوں کو جنت الفردوس میں اعلیٰ مقام عطا فرمائے اور زخمی سیکورٹی اہلکاروں اور پولیو ٹیم کے رضاکارون کو جلد ومکمل صحت یابی عطا کرے ۔ جناب الطاف حسین نے صدر مملکت ممنون حسین ، وزیر اعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ کوئٹہ اور جمرود میں دہشت گردی کے واقعات میں سیکورٹی اہلکاروں اور پولیو ٹیم کے رضاکاروں کے شہید و زخمی ہونے کا سنجیدگی سے نوٹس لیاجائے ، انسداد دہشت گردی پالیسی پر فی الفور عملدر�آمد کرایاجائے اور ملک و قوم کو دہشت گردی کے عفریت سے ہر صورت میں نجات دلائی جائے ۔