پنجاب کی ٹرانسپورٹ برادری نو، مارچ کے پروگرام کیلئے بسوں کے کرائے میں رعایت دیں ، الطاف حسین
پنجاب بھرکے اضلاع میں بسوں کے کرائے میں رعایت سے زیادہ سے زیادہ لوگ صوفیائے کرام کانفرنس میں شریک ہوسکتے ہیں
ایم کیوایم ، غریب جماعت ہے جو اپنے تمام تراخراجات عوامی چندوں اورعطیات سے پورے کرتی ہے
پنجاب بھر کی ٹرانسپورٹ برادری ایم کیوایم سے رضاکارانہ تعاون کرکے ثواب دارین حاصل کریں
لندن۔۔۔27، فروری2014ء
متحدہ قومی موومنٹ کے قائد جناب الطاف حسین نے صوبہ پنجاب کی ٹرانسپورٹ برادری سے دردمندانہ اپیل کی ہے کہ وہ 9، مارچ کو ایم کیوایم کے تحت لاہور میں منعقد ہونے والی صوفیائے کرام کانفرنس میں شرکت کیلئے پنجاب بھر کے ڈسٹرکٹس میں بسوں کے کرائے میں رعایت دیں تاکہ پنجاب بھر سے زیادہ سے زیادہ لوگ صوفیائے کرام کانفرنس میں شرکت کرسکیں۔ ایک بیان میں جناب الطاف حسین نے کہاکہ ایم کیوایم ، غریب ومتوسط طبقہ سے تعلق رکھنے والے افراد کی جماعت ہے جو اپنے تمام ترتنظیمی اخراجات عوامی چندوں اورعطیات سے پورے کرتی ہے ۔ جناب الطاف حسین نے پنجاب کی ٹرانسپورٹ برادری سے دردمندانہ اپیل کی کہ وہ 9 ، مارچ کو لاہور میں منعقد ہونے والی صوفیائے کرام کانفرنس میں شرکت کیلئے پنجاب کے تمام اضلاع میں ایم کیوایم کے ذمہ داران کوبسوں کے کرائے میں ہرممکن رعایت دیکر رضاکارانہ تعاون کریں اورثواب دارین حاصل کریں۔