ارجنٹینا کے سفیر اور پرا گوئے کے اعزازی قونصل جنرل کنور طارق کی ایم کیوایم کی رابطہ کمیٹی کے ڈپٹی کنوینر انجینئر ناصر جمال اور اراکین رابطہ کمیٹی سے ملاقات

کراچی ۔۔۔26، فروری 2014ء 

پاکستان میں متعین ارجنٹینا کے سفیر RODOLFO J. MARTIN-SARAVIAنے پیرا گوئے کے اعزاز قونصل جنرل کنور طارق کے ہمراہ خورشید بیگم سیکریٹریٹ عزیز آباد میں ایم کیوایم کی رابطہ کمیٹی کے ڈپٹی کنوینر انجینئر ناصر جمال اور اراکین رابطہ کمیٹی سے ملاقات کی ۔ ملاقات میں ارجنٹینا ، پیر ا گوئے اور پاکستان کے درمیان باہمی تعلقات پر تبادلہ خیال کیا گیا اور انہیں مزید بہتر اور موثر بنانے کے نکتہ پر اتفاق رائے پایا گیا ۔ ملاقات میں پاکستان کی مجموعی ، سیاسی ، معاشی اور سماجی صورتحال ، دہشت گردی کے خاتمے اور امن و امان کے قیام کے امور بھی زیر بحث آئے ۔ اس موقع پر ایم کیوایم کی رابطہ کمیٹی کے اراکین حیدر عباس رضوی ، امین الحق ، کنور خالد یونس اور سندھ اسمبلی میں ایم کیوایم کے قائد حزب اختلاف فیصل سبزواری بھی موجود تھے ۔ ملاقات کے اختتام پر رابطہ کمیٹی کے ڈپٹی کنوینر انجینئر ناصر جمال نے ارجنٹینا کے سفیر اور پیر ا گوئے کے اعزا زی قونصل جنرل کنور طارق کو قائد تحریک جناب الطاف حسین کی تحریر کردہ کتابیں اور تحریکی لٹریچر بھی پیش کیا ۔