رابطہ کمیٹی کے ڈپٹی کنوینر ڈاکٹر خالد مقبول صدیقی اور اراکین رابطہ کمیٹی نے لیبر ڈویژن کے یوم تاسیس کے سلسلے میں یادگارِ شہدائے حق پر حاضری دی اور پھول چڑھائے

کراچی ۔۔۔26، فروری 2014ء 

متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی ، اراکین رابطہ کمیٹی سید امین الحق ، عادل خان ، احمد سلیم صدیقی اور بابر غوری نے 28فروری 2014ء کو ایم کیوایم لیبر ڈویژن کے یوم تاسیس کے سلسلے میں آج جناح گراؤنڈ عزیز آباد میں حق پرست شہداء کی یادمیں تعمیر کی گئی ’’یادگارِ شہدائے حق ‘‘ پر حاضری دی اور پھول چڑھائے ۔ اس موقع پر ایم کیوایم لیبر ڈویژن کے انچارج کاظم رضا اور اراکین بھی موجود تھے ۔ڈاکٹر خالد مقبول صدیقی اور اراکین رابطہ کمیٹی نے حق پرست شہداء کو سلام عقیدت پیش کیا اور ان کے بلند درجات کیلئے دعا بھی کی ۔ 

لیبر ڈویژن کے یوم تاسیس کے سلسلے میں جناح گراؤنڈ عزیز آباد میں لیبر ڈویژن سے تعلق رکھنے والے تمام یونٹوں اور مزدور یونین کے عہدیداران نے یادگارِ شہدائے حق پرحاضریاں دیں جس کے باعث جناح گراؤنڈ اور اس کے اطراف کے علاقہ میں زبردست ہجوم دکھائی دیا ۔ اس موقع پر لیبر ڈویژن کے مختلف یونٹوں کے ذمہ داران ذمہ داران اور مزدور یونین کے عہدیداران نے یادگارِ شہدائے حق پر بڑی تعداد میں پھول رکھے اور حق پرست شہداء کو زبردست خراج عقیدت پیش کرتے ہوئے ان کی مغفرت کیلئے دعائیں کیں ۔