واقعہ کربلا کے حوالہ سے منور حسن کابیان انتہائی متنازعہ اور حقائق کے سراسرخلاف ہے ، الطاف حسین
کراچی ۔۔۔23 فروری 2014ء
متحدہ قومی موومنٹ کے قائدجناب الطاف حسین نے واقعہ کربلاکے بارے میں ایک ٹی وی انٹرویومیں جماعت اسلامی کے امیر منور حسن کے بیان کوانتہائی متنازعہ اورتاریخی حقائق کے سراسرخلاف قراردیتے ہوئے اس کی شدید مذمت کی ہے ۔وہ آج شاہراہ قائدین پر ایم کیوایم کے زیراہتمام ’’ یکجہتی ریلی ‘‘ سے خطاب کررہے تھے۔جناب الطاف حسین نے کہاکہ میرے علم میں لایا گیا ہے کہ ایک ٹی وی انٹرویومیں منورحسن نے یزید تک کونعوذباللہ صحابی رسول قراردیکر حضرت امام حسین ؑ اوریزید کو ایک مقام پر کھڑا کردیا ۔