متحدہ قومی موومنٹ کی رابطہ کمیٹی کے ارکان کے ہمراہ ایم کیوایم کے وفدکی شاہ تراب الحق قادری سے ملاقات

کراچی:۔۔۔21، فروری 2014ء

متحدہ قومی موومنٹ کی رابطہ کمیٹی کے ارکان احمدسلیم صدیقی اورسیف یارخان نے جماعت اہل سنّت پاکستان کراچی کے امیراورمعروف مذہبی شخصیت علامہ شاہ تراب الحق قادری سے ان کی رہائشگاہ پرملاقات کی اورانہیں قائدتحریک الطاف حسین کی جانب سے خصوصی پیغام پہنچایا۔ملاقات میں ملک کی موجودہ صورتحال کے حوالے سے بات چیت ہوئی ۔اس موقع پرشاہ تراب الحق قادری نے مذہبی وفرقہ وارانہ ہم آہنگی کیلئے قائدتحریک الطاف حسین کی کاوشوں کوسہراتے ہوئے ایم کیوایم کے مثبت کردارکی تعریف کی۔انہوں نے کہا کہ تمام علمائے حق ملک وملت کے دشمن دہشت گردطالبان کے خلاف میدانِ عمل میں موجودہیں۔شاہ تراب الحق قادری نے اس بات پراتفاق کیاکہ تمام پاکستانیوں میں اتحاد و یکجہتی کی سخت ضرورت ہے تاکہ انتہاء پسنداوروحشی درندوں کاڈٹ کرمقابلہ کیاجاسکے۔اس سلسلے میں تمام پاکستانی اپنی پاک فوج کے شانہ بشانہ ساتھ کھڑے ہیں ہم اپنے وطن کی حفاظت کیلئے کسی قربانی سے دریغ نہیں کریں گے۔اس موقع پرایم کیوایم علماء کمیٹی کے انچارج جاویداحمد،اراکین مولانافیروزالدین رحمانی اورذوالفقارعلی بھی موجودتھے ۔