ایم کیوایم کی رابطہ کمیٹی کے ڈپٹی کنوینرزخالدمقبول صدیقی اورناصرجمال کا اراکین رابطہ کمیٹی اوردیگرذمہ داران کے ہمراہ شاہراہ قائدین کادورہ

کراچی:۔۔۔22، فروری 2014ء

متحدہ قومی موومنٹ کے تحت بروز توار 23فروری 2014ء کو شاہراہ قائدین نزد نورانی کباب ہاؤس پر’’ یکجہتی ریلی ‘‘کے انعقادکیلئے ایم کیوایم کی رابطہ کمیٹی ڈپٹی کنوینرزڈاکٹر خالد مقبول صدیقی اورانجینئر ناصر جمال نے اراکین رابطہ کمیٹی عامر خان،کنورنویدجمیل،امین الحق،رشیدگوڈیل،سیف یارخان،یوسف شاہوانی،اشفاق منگی،توصیف خانزادہ،گلفراز خان خٹک،عادل خان اور سیف یار خان نے شاہراہ قائدین پر ریلی کے مقام کا دورہ اور اسٹیج ،پنڈال دیگرتیاریوں کے حوالے سے انتظامات کا جائزہ لیااوران پراطمینان کا اظہار کرتے تیاریوں میں مصروف ذمہ داران وکارکنان کوقائدتحریک الطاف حسین کی جانب سے شاباش اورخراج تحسین پیش کیا۔ اس مو قع پرحق پرست اراکین اسمبلی، کراچی تنظیمی کمیٹی کے اراکین ، اے پی ایم ایس او اور دیگر شعبہ جات ، مقامی سیکٹریونٹس کے ذمہ داران و کارکنان بھی ان کے ہمراہ تھے۔ علاوہ ازیں ریلی کے انعقادکے سلسلے میں رابطہ کمیٹی کی جانب سے ایم کیوایم کے شعبہ جات کے ارکان پرمشتمل اسٹیج،پنڈال،ویجیلنس ،فو ڈ اورٹریفک کنٹرول کمیٹی سمیت دیگرکمیٹیاں تشکیل دیدی گئی جنہوں نے ریلی کے انعقادکیلئے تیاریوں کا کام شروع کردیاہے ۔