جوش ملیح آبادی محروموں، مظلوموں اورکچلے ہوئے طبقات کی آوازتھے۔ الطاف حسین

لندن ۔۔۔22 فروری 2014ء

متحدہ قومی موومنٹ کے قائدجناب الطاف حسین نے برصغیرپاک وہندکے ممتازشاعرجوش ملیح آبادی کی برسی کے موقع پر انہیں زبردست خراج عقیدت پیش کرتے ہوئے کہاہے کہ جوش ملیح آبادی محروموں، مظلوموں اورکچلے ہوئے طبقات کی آوازتھے۔ اپنے بیان میں انہوں نے کہاکہ جوش ملیح آبادی نے اپنی شاعری میں صرف حسن اورعشق کوہی اپناموضوع نہیں بنایابلکہ انہوں نے اپنی شاعری کے ذریعے معاشرے میں پائی جانے والی ناہمواریوں،ناانصافیوں اورظلم وجبرکے خلاف بھی لوگوں میں بیداری پیداکی۔ اپنی اس جرات وبیباکی پر انہیں ایک مخصوص طبقہ کی جانب سے نارواسلوک اورناپسندیدگی کابھی سامناکرناپڑالیکن انہوں نے آخر وقت تک اپنے اصولوں اورنظریات پر سمجھوتہ نہیں کیااوراپنے قلم کے ذریعے حق اورسچ کی آوازبلندکرتے رہے ۔ یہی وجہ ہے کہ آج ظلم وجبر کے خلاف جذبات رکھنے والے تمام افراد میں جوش ملیح آبادی نہایت قدرکی نگاہ سے دیکھے جاتے ہیں۔ جناب الطاف حسین نے کہاکہ جوش ملیح آبادی اگرچہ دنیاسے چلے گئے لیکن اپنے چاہنے والوں کے دلوں میں وہ آج بھی زندہ ہیں اورتادیر زندہ رہیں گے