پنجاب کے عوام کو ایم کیو ایم سے بدظن کرنے کے لئے ایم کیو ایم اور قائد تحریک جناب الطاف حسین کے خلاف اوچھے پروپیگنڈے کئے جارہے ہیں، سید امین الحق

لاہور ۔۔۔20،فروری،2014 ء

متحدہ قومی موومنٹ کی رابطہ کمیٹی کے رکن سید امین الحق نے کہا کہ ایم کیو ایم کی جدوجہد کا مقصد چہروں کی نہیں بلکہ نظام کی تبدیلی ہے اورقائد تحریک جناب الطاف حسین کے فکروفلسفہ کی اشاعت سے انقلاب کو لایا جا سکتا ہے ۔ ان خیلات کا اظہار انہوں نے ایم کیو ایم پنجاب ہاؤس لاہور میں منعقدہ ایم کیو ایم سنٹرل پنجاب کمیٹی اور سنٹرل پنجاب کے 13اضلاع کی تنظیم نوء کے اجلاس کے موقع پر کیا ۔اس موقع پر گفتگو کرتے ہوئے سید امین الحق نے کہا کہ ایم کیو ایم کہاکہ قائد تحریک جنا ب الطاف حسین کا انقلابی ویژن پاکستان کے درخشاں مستقبل اور استحکام کی ضمانت ہے اور موجود صورتحال میں وقت اور حالات کا تقاضہ ہے کہ ہم ملک کی بقاء اور ترقی و خوشحالی کیلئے قائد تحریک الطاف حسین کے فکروفلسفے پر عمل ہو کر عملی جدوجہد کی جائے۔انہوں نے مزید کہا کہ پنجاب میں ایم کیو ایم کی مقبولیت سے استحصالی طبقہ شدید بوکھلاہٹ کا شکا ر ہے اور پنجاب میں ایم کیو ایم کی راہ میں رکاوٹیں کھڑی کی جارہی ہیں اورپنجاب کے عوام کو ایم کیو ایم سے بدظن کرنے کے لئے ایم کیو ایم اور قائد تحریک جناب الطاف حسین کے خلاف اوچھے پروپیگنڈے کئے جارہے ہیں جبکہ الحمداللہ پنجاب کے عوام باشعور ہیں اور انہیں اس بات کا ادراک ہو چکا ہے کہ الطاف حسین ہی وہ واحد لیڈر ہے جو انہیں مصائب کے چنگل سے نجات دلا سکتا ہے انہوں نے تمام ذمہ داران و کارکنان کو ہر مشکل گھڑی میں ثابت قدم رہنے اور بہتر انداز میں تنظیمی امور کی انجام دہی پر خراج تحسین بھی پیش کیا۔ اس موقع پر گفتگو کرتے ہوئے ایم کیو ایم کی رابطہ کمیٹی کے رکن عبدالحسیب نے کہا کہ ایم کیو ایم ملک کی واحد جماعت ہے جس نے نوجوانوں کو گلیوں سے اٹھا کر ایوانوں میں پہنچایا اور اختیارات کو نچلی سطہ پر منتقل کیا ۔ انہوں نے کہا کہ آج کے پروگرام میں کارکنان کی کثیر تعداد میں شرکت اس بات کا ثبوت ہے کہ قائد تحریک جناب الطاف حسین کا فکر و فلسفہ پورے پاکستان میں تیزی سے پھیل رہا ہے ۔ انہوں نے مزید کہا کہ کہا کہ120گز کے مکان سے شروع ہونے والا حق پرستی کا قافلہ آج ملک کے کونے کونے میں پہنچ چکا ہے اورملک کی بقاء اور سلامتی کیلئے جاگیردارانہ نظام اور موروثی سیاست سے نجات حاصل کرنا ہو گی۔انہوں نے کہا کہ چہرے بدلنے سے عوام کے مسائل حل نہیں ہو ں گے اور قائد تحریک جناب الطاف حسین پاکستان کو مضبوط اور قائد اعظم محمد علی جناح کا پاکستان بنانا چاہتے ہیں ۔ اس موقع پر گفتگو کرتے ہوئے ایم کیو ایم کی رابطہ کمیٹی کے رکن میاں عتیق نے کہا کہ دنیا کا کو ئی بھی مذہب ایسا نہیں جو انسانیت کا درس نہ دیتا ہو اور ایم کیو ایم ہی وہ واحد پارٹی ہے جو انسانیت کی خدمت پر یقین رکھتی ہے۔اور انسانیت کی خدمت سے بڑی کوئی عبادت نہیں ہے قائد تحریک جناب الطاف حسین کی تعلیمات بھی یہ ہے کہ بلا رنگ ونسل انسانیت کی خدمت کی جائے ۔انہو ں نے کہا کہ پنجاب میں ایم کیو ایم کا کو ئی نام لیوا نہیں تھا لیکن آج پاکستان میں ہر جگہ حق پرستی کا پرچم لہرا رہا ہے۔انہوں نے مزید کہا کہ وہ وقت قریب ہے جب پاکستان میں غریب لوگوں کی حکمرانی ہو گی۔انہوں نے مزید کہا کہ قائد تحریک جناب الطاف حسین چاہتے ہیں کہ پاکستان میں بسنے والی تمام قومیں اور مذاہب کو یکساں حقوق حاصل ہو ں اور مل جل کر تمام نفرتوں کو بھلا کر پاکستان کوبچایا جائے ۔انہوں نے کہا کہ قائد تحریک جناب الطاف حسین وہ واحد لیڈرہیں جنہوں نے عورتوں کے حقوق کیلئے آواز بلند کی جو اس ملک کی کل آبادی کا 52%ہیں انہوں نے مزید کہا کہ پنجاب کی عوام یہ سمجھ چکی ہے کہ پاکستان اور پنجاب کے مسائل کا حل ایم کیو ایم کے پاس ہے اور یہ وقت تب آئے گا جب اپنے اندر سے قیادت نکالیں گے۔ اس موقع پر ایم کیو ایم سنٹرل ایگزیکٹو کونسل کی رکن اور سنٹرل پنجاب کی سابقہ صدر بسمہٰ آصف سکھیرا، سابقہ رکن صوبائی اسمبلی ریں مجید اور رکن قومی اسمبلی بیگم طاہرہ آصف نے بھی کارکنان سے اظہا ر خیال کیا ۔ بعد ازاں ایم کیو ایم کی رابطہ کمیٹی کے رکن سید امین الحق نے سنٹرل پنجاب کمیٹی کے 13اضلاع اور سنٹرل پنجاب کمیٹی کے نو منتخب ذمہ داران کا اعلان کیا ،جس کے مطابق ایم کیو ایم سنٹرل پنجاب کمیٹی کے نو ء منتخب صدر محمد عامر بلوچ ، سینئر نائب صدر اقبال قریشی ، جنرل سیکریٹری رانا اشرف ایڈوکیٹ جبکہ ایم کیو ایم لاہور ڈسٹرکٹ کے صدر ارتضیٰ کاظمی ، سینئر نائب صدر واحد احمد گجر ، محمد زاہد خان جبکہ جنرلہ سیکریٹری ڈاکٹر عمران ملہی ہونگے ۔ اس موقع پر ایم کیو ایم سنٹرل پنجاب کی سابقہ صدر بسمہٰ آصف سکھیرا کو انکی تحریکی خدمات پر زبردست خراجِ تحسین پیش کیا گیا ۔