جناب الطاف حسین کی خصوصی ہدایت پر حق پرست ارکان قومی و صوبائی اسمبلی نے معروف ادیب و شاعر اور اداکاراطہر شاہ خان (جیدی ) کی مقامی اسپتال جاکر عیادت کی
حق پرست ارکان اسمبلی نے اطہر شاہ خان کی صحت یابی کیلئے دعا کی اور جناب الطاف حسین کی جانب سے گلدستہ پیش کیا
اطہر شاہ خان نے علالت کے دوران یاد رکھنے پر جناب الطاف حسین کا شکریہ ادا کیا
کراچی ۔۔۔19، فروری 2014ء
متحدہ قومی موومنٹ کے قائد جناب الطاف حسین کی خصوصی ہدایت پر حق پرست رکن قومی اسمبلی ریحان ہاشمی اور رکن سندھ اسمبلی جمال احمد خان نے معروف ادیب و شاعر اور اداکاراطہر شاہ خان (جیدی ) کی مقامی اسپتال جاکر عیادت کی اور ان کی جلد ومکمل صحت یابی کیلئے دعا کی ۔ حق پرست ارکان اسمبلی نے جناب الطاف حسین کی جانب سے اطہر شاہ خان کیلئے نیک تمناؤں کا اظہار کیا اور انہیں گلدستہ بھی پیش کیا ۔اس موقع پر اطہر شاہ خان نے علالت کے دوران یاد رکھنے پر قائد تحریک جناب الطاف حسین کا شکریہ ادا کیا اور ان کی درازی عمر ،صحت و تندرستی کیلئے دعا کی ۔