لیاری ندی میں ٹرک گرنے کے نتیجے میں خواتین و بچوں سمیت متعدد افراد کے جاں بحق ہونے پر ایم کیو ایم کے قائد جناب الطاف حسین کا اظہار افسوس

متحدہ قومی موومنٹ کے قائد جناب الطاف حسین نے لیاری ندی میں ٹرک گرنے کے نتیجے میں خواتین و بچوں سمیت متعدد افراد کے جاں بحق اور زخمی ہونے پر افسوس کا اظہار کیا ہے۔ ایک بیان میں جناب الطاف حسین نے سوگوار لواحقین سے دلی تعزیت و ہمدردی کا اظہار کرتے ہوئے انہیں صبر کی تلقین کی ، جناب الطاف حسین نے کہا کہ دکھ کی اس گھڑی میں مجھ سمیت ایم کیوا یم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور زخمیوں کی جلد و مکمل صحتیابی کیلئے دعا بھی کی ۔