سندھ اسمبلی کے اجلاس کے دوران ڈپٹی اسپیکرسندھ اسمبلی محترمہ شہلارضاکے متعصبانہ روئیے اورحکومتی رکن جام مہتاب علی کی جانب سے خاتون حق پرست ر کن سندھ اسمبلی کے خلاف نازیباالفاظ استعمال کرنے پررابطہ کمیٹی کااظہارمذمت

کراچی:۔۔۔17؍فروری2014ء

متحدہ قومی موومنٹ کی رابطہ کمیٹی نے سندھ اسمبلی کے اجلاس کے دوران ڈپٹی اسپیکرسندھ اسمبلی محترمہ شہلارضاکی جانب سے حق پرست اقلیتی رکن سندھ اسمبلی دیوان چندچاؤلہ کا مائیک بندکرنے کے متعصبانہ روئیے اورحکومتی رکن سندھ اسمبلی جام مہتاب علی کی جانب سے خاتون حق پرست رکن سندھ اسمبلی کے خلاف نازیباالفاظ استعمال کرنے کی سخت ترین الفاظ میں مذمت کی ہے اورکہاہے کہ شہلارضامتعصبانہ روئیے اورجام مہتاب خواتین رکن کے خلاف نازیباالفاظ استعمال کرنے پراسمبلی فلورپرمعافی مانگیں۔ایک بیان میں رابطہ کمیٹی نے کہاکہ ایم کیوایم ایک جمہوری جماعت ہے جوعوامی مینڈیٹ رکھنے والی جماعتوں اوران کے نمائندوں کے مینڈیٹ کوعزت واحترام کی نظرسے دیکھتی ہے اورچاہتی ہے کہ ایم کیوایم کے عوامی نمائندوں کے مینڈیٹ کو بھی پورے عزت واحترام سے دیکھاجائے۔رابطہ کمیٹی نے کہاکہ پیرکے روزاسمبلی کے اجلاس کے دوران جس طرح حکومتی رکن سندھ اسمبلی جام مہتاب علی نے حق پرست رکن سندھ اسمبلی محترمہ سمیتاا فضال کے خلاف نازیباالفاظ استعمال کرکے ایم کیوایم کوحاصل عوامی کے مینڈیٹ کی توہین کی ہے وہ کسی بھی صورت حکومتی ارکان کوزیب نہیں دیتا۔رابطہ کمیٹی نے کہاکہ ایک جانب ایم کیوایم کے عوامی مینڈیٹ رکھنے والے خصوصاًخواتین اراکین کے خلاف اسمبلی کے فلورپر نازیباالفاظاستعمال کیے جارہے ہیں اوران کی مینڈ یٹ کی توہین کی جارہی ہے جبکہ دوسری جانب ڈپٹی اسپیکرسندھ اسمبلی محترمہ شہلارضانے اقلیتوں کے مسائل کیلئے آوازاٹھانے کی پاداش میں حق پرست اقلیتی رکن سندھ اسمبلی دیوان چندچاؤلہ کامائیک بندکردیااورانہیں بولنے کاموقع دینے کے بجائے ان کے خلاف اس قسم کہ’’ آپ نے دعاکے دوران بھی اپناشوق پوراکیاتھا‘‘ ریمارکس دیئے جس سے متعصبانہ روئیہ واضح ہوگیا۔رابطہ کمیٹی نے کہاکہ شہلارضااورجام مہتاب علی کی جانب سے سندھ اسمبلی کووڈیروں کی اوطاق بنانے کاعمل انتہائی نقصان دے عمل ہے جس کی جتنی بھی مذمت کی جائے کم ہے۔رابطہ کمیٹی نے کہاکہ اسپیکراورڈپٹی اسپیکرکاعہدہ غیرجانبدارہوتاہے جوایوان میں سب کوساتھ لیکرچلتاہے لیکن شہلارضاکارو یہ ہمیشہ انتہائی متعصبانہ اورجانبدارانہ رہاہے۔رابطہ کمیٹی نے مطالبہ کیاکہ محترمہ شہلارضااورجام مہتاب علی فوری طورپراسمبلی کے فلورپرآکرعوام سے معافی مانگیں ۔