مسلح دہشت گردوں کی جانب سے کارپر فائرنگ کے واقعہ میں کراچی میڈیکل اینڈڈینٹیل کالج کے ڈین ڈاکٹر جاوید قاضی کے بہیمانہ قتل پر جناب الطاف حسین کا اظہار مذمت
کراچی میں ٹارگٹڈ آپریشن جاری ہے اس کے باجود میں معصوم شہریوں کا قتل عام سیکورٹی اداروں کی کارکردگی پر ایک سوالیہ نشان ہے
ڈاکٹر جاوید قاضی کے قاتلوں کو فوری گرفتار کرکے قانون کے مطابق سزا دی جائے ، حکومت سے مطالبہ
لندن:17؍ فروری 2014ء
متحدہ قومی موومنٹ کے قائد جناب الطاف حسین نے نارتھ ناظم آباد میں مسلح دہشت گردوں کی جانب سے کارپر فائرنگ کے واقعہ میں کراچی میڈیکل اینڈڈینٹیل کالج کے ڈین ڈاکٹر جاوید قاضی کے بہیمانہ قتل اورڈرائیور کے زخمی ہونے پر سخت ترین الفاظ میں مذمت کی ہے اور واقعہ کو بزدلانہ کاروائی قرار دیا ہے۔ ایک بیان جناب الطاف حسین نے کہا کہ قانون نافذ کرنے والے اداروں کی جانب سے کراچی میں ٹارگٹڈ آپریشن جاری ہے اس کے باجود میں شہر میں بے گنانہ معصوم شہریوں کا قتل عام کیا جارہاہے جوکہ سیکورٹی اداروں کی کارکردگی پر ایک سوالیہ نشان ہے۔ انہوں نے جاں بحق ہونے والے ڈاکٹر جاوید قاضی کے سو گوار لواحقین سے دلی تعزیت وہمدردی کا اظہار کر تے ہوئے مرحوم کی مغفرت اور سوگوار لواحقین کیلئے صبر جمیل کی دعا کی ۔ جناب الطاف حسین نے ،وزیراعظم پاکستان میاں محمد نواز شریف ، وفاقی وزیر داخلہ چوہدری نثار علی خان ، گورنر سندھ ڈاکٹر عشرت العباد اور وزیر اعلی سندھ سید قائم علی شاہ سے مطالبہ کیا ہے ڈاکٹر جاوید قاضی کے بہیمانہ قتل کا نوٹس لیا جائے اور اس میں ملوث دہشت گردوں کوفی الفور گرفتار کرکے قانون کے مطابق سزا دی جائے