خیبرپختوخواہ ،ڈسٹرکٹ کرک کے علاقے دہب میں نجی اسکول میں گیس لیکج کے نتیجے میں دھماکے سے 13بچوں سمیت 15افراد کے زخمی ہونے پرایم کیو ایم کے قائد جناب الطاف حسین کا تشویش کا اظہار ،زخمیوں کی جلد و مکمل صحتیابی کیلئے دعا ۔
اسکول انتظامیہ اور خیبرپختونخواہ کی حکومت تمام تعلیمی اداروں میں گیس کی سپلائی کیلئے حفاظتی انتظامات کویقینی بنایا جائے ، الطاف حسین
لندن:17؍ فروری 2014ء
متحدہ قومی موومنٹ کے قا ئد جناب الطاف حسین نے صوبہ خیبرپختونخواہ ، ڈسٹرکٹ کرک کے علاقے دہب میں نجی اسکول میں گیس کی لیکج کے نتیجے میں ہونے والے دھماکے سے 13بچوں سمیت 15افراد کے زخمی ہونے پر تشویش کا اظہار کیااور زخمیوں کی جلدو مکمل صحت یابی کیلئے دعا کی ۔ ایک بیان میں جناب الطاف حسین نے کہا کہ کرک کے علاقے دہب میں نجی اسکول میں گیس لیکج کا واقعہ انتظامیہ غفلت اور لاپرواہی کا نتیجہ ہے ۔ جناب الطاف حسین نے اسکول انتظامیہ اور خبیرپختونخواہ کی سے مطالبہ کیا کہ تمام تعلیمی اداروں میں گیس کی سپلائی کیلئے حفاظتی انتظامات کو یقینی بنایا جائے تاکہ مستقبل میں کسی بھی بڑے حادثے سے بچا جاسکے اور ملک کے مستقبل کے معماروں کی زندگی کو محفوظ بنایا جاسکے۔