سندھ کے ضلع تھر میں ماتانامی بیماری سے بھیڑوں کی ہلاکتوں اوربھیڑوں کو کراچی سمیت یگرمیں شہروں میں فروخت کرنے کیلئے بھیجے جانے پرفیصل سبزواری کا اظہار تشویش

کراچی۔۔۔16، فروری2014ء

سندھ اسمبلی میں اپوزیشن لیڈر فیصل سبزواری نے سندھ کے ضلع تھر میں ماتانامی بیماری سے بھیڑوں کی ہلاکتوں پر اوربھیڑوں کو کراچی سمیت دیگرمیں شہروں میں فروخت کرنے کیلئے بھیجے جانے پر گہری تشویش اظہار کیا ہے۔ ایک بیان میں فیصل سبزواری نے کہاکہ بیمار بھیڑوں کو سستے داموں میں خرید کرکراچی سمیت سندھ کے دیگر شہروں میں منتقل کرنے کا عمل انسانی زندگی کے لئے انتہائی خطرناک ثابت ہو سکتا ہے ۔ انہوں نے کہاکہ کراچی سمیت سندھ بھر کے عوام سے اپیل ہے کہ وہ بھیڑوں کے گوشت کو کھانے سے اجتناب کریں کیونکہ یہ گوشت اب انسانی صحت کے لئے انتہا ئی مضر ہو چکاہے ۔ انہوں نے وزیر اعلیٰ سندھ سید قائم علی شاہ اور گورنر سندھ سے مطالبہ کیا ہے کہ بیماربھیڑوں کو کراچی سمیت دیگر شہروں میں منتقل کرنے کا نوٹس لیں اور اس میں ملوث ذمہ دار افراد کے خلاف قانون کے مطابق سخت کاروائی کریں۔