پشاورکےنواحی علاقےبڈہ بیرماشوخیل میں دہشت گردوں کاگھرپرحملےکےواقعہ پرجناب الطاف حسین کااظہارمذمت

لندن۔۔۔۔12فروری2014ء

متحدہ قومی موومنٹ کے قائد جناب الطاف حسین نے پشاور کے نواحی علاقے بڈہ بیر ماشوخیل میں دہشت گردوں کا گھر پرحملے کے واقعہ پر سخت ترین الفاظ میں مذمت کی اور واقعہ میں متعدد افرادکے جاں بحق ہونے پر گہرے دکھ افسوس کا اظہار کیا ہے ۔ ایک بیان میں جناب الطاف حسین نے کہاکہ بم دھماکوں اور دہشت گردی کے ذریعے معصوم و بے گناہ انسانوں کو خاک و خون میں نہلانے والے سفاک دہشت گرد ملک و قوم کے کھلے دشمن ہے اور اسے عدم استحکام سے دوچار کرنا چاہتے ہیں جس کی جتنی مذمت کی جائے کم ہے ۔انہوں نے جاں بحق ہونے والے افراد کے سوگوار لواحقین سے دلی تعزیت وہمدردی کااظہار کیا اور زخمیوں کی جلد و مکمل صحت یابی کیلئے دعا کی ۔ جناب الطاف حسین نے صدر مملکت ممنون حسین ، وزیر اعظم نواز شریف ، وفاقی وزیر داخلہ چوہدری نثارعلی خا ن اور خیبرپختونخواہ کی حکومت سے مطالبہ کیا کہ بڈھ بیر موشوخیل میں دہشت گردوں کے گھر پر حملے کا نوٹس لیا جائے،، عوام کی جان و مال کو تحفظ فراہم کیاجائے اور اس میں ملوث دہشت گردوں کو گرفتار کرکے عبرتناک سزا دی جائے۔