جرائم پیشہ عناصر کی فائرنگ سے شہید ہونیو الے ایم کیوایم میر پور خاص زون کی یونٹ کمیٹی کے رکن محمد راشد خان کو تاج دھنی قبرستان میں سپرد خاک کردیا گیا

میر پور خاص ۔۔۔10، فروری 2014ء 

میر پور خاص میں جرائم پیشہ عناصر کی فائرنگ سے شہید ہونے والے ایم کیوایم میرپورخاص زون یونٹ 2-Aکی یونٹ کمیٹی کے رکن محمد راشد خان کو سینکڑوں سوگواروں کی موجودگی میںآہوں اور سسکیوں کے درمیان میر پور خاص سٹی کے تاج دھنی قبرستان میں سپرد خاک کردیا گیا ۔شہید کی نماز جنازہ میر پور خاص سٹی میں واقع کالونی گراؤنڈ میں ادا کی گئی ۔ نماز جنازہ اور تدفین ایم کیوایم سندھ تنظیمی کمیٹی کے اراکین رسول بخش سموں ، ظفر خان ، فرید احمد ، عظیم دانش ، میر پور خاص زون کے زونل انچارج مجیب الحق ، جوائنٹ زونل انچارج محمد شہباز، زونل کمیٹی کے اراکین ،حق پرست رکن صو بائی اسمبلی ڈاکٹر ظفر کمال کے ساتھ ساتھ، میر پور خاص زون کے سیکٹر و یونٹ کے ذمہ داران، کارکنان ، ہمدردوں اور شہید کے عزیزواقارب نے بڑی تعداد میں شرکت کی ۔ 

دریں اثناء محمد راشد خان شہید کا سوئم کل 11فروری بروز منگل صبح 10سے دوپہر 12بجے تک میر پور خاص کالونی گراؤنڈ میں واقع بسم اللہ مسجد میں ہوگا جس میں شہید کی روح کے ایصال ثواب کیلئے قرآن خوانی و فاتحہ خوانی کی جائے گی ۔