ایم کیوایم خیرپور زون کے انچارج فتح رند اور ان کے بھائی کی گرفتاری کا نوٹس لیا جائے، رابطہ کمیٹی

کراچی ۔۔۔9، فروری 2014ء 

متحدہ قومی موومنٹ کی رابط کمیٹی نے پولیس و دیگر سرکاری اداروں کے ہلکاروں کی جانب سے ایم کیوایم کے خیر پور زورن کے انچارج فتح رند کے گھر پر غیرقانونی اور بلاجواز چھاپہ اور فتح رند اورا نکے بھائی حاجی خان کی بلاجواز گرفتاری پر شدید الفاظ میں مذمت کی ہے۔ ایک بیان میں رابطہ کمیٹی نے کاکہاکہ پولیس و سرکاری اداروں کے اہلکار ایم کیوایم کے بے گناہ اورمعصوم کارکنان کوگرفتار کرکے ان کو بہیمانہ تشدد کا نشانہ بنارہے ہیں اور ان کی رہائی کیلئے بھاری رقوم مانگ رہے ہیں، جبکہ چھاپہ کے دوران خواتین کے ساتھ انتہائی نامناسب رویہ اور انہیں ہراساں کیاجارہاہے جس کی جنتی مذمت کی ہے جائے کم ہے۔ رابطہ کمیٹی نے حکومت سندھ سے مطالبہ کیا ہے کہ خیر پورزون کے انچارج فتح رند کے گھر پرغیرقانونی چھاپہ اور فتح رند اور ان کے بھائی حاجی خان کی گرفتاری کا نوٹس لیاجائے اور ایم کیوایم کے معصوم وبے گناہ کارکنان کی گرفتاری کا سلسلہ فی الفور بند کیا جائے۔