ایم کیوایم کورنگی سیکٹرکے کارکن دولہا فہد عزیز کو پولیس کی جانب سے غیر قانونی طور پر گرفتار کرکے حراست میں بہیمانہ تشدد کا نشانہ بنائے جانے کے واقعہ کو الیکٹرانک میڈیا میں کورریج دینے پر صحافیوں اور کیمرہ مین حضرات کوالطاف حسین کا سلام تحسین اور دعائیں

کراچی ۔۔۔9، فروری 2014ء 

متحدہ قومی موومنٹ کے قائد جناب الطاف حسین نے ایم کیوایم کورنگی سیکٹریونٹ 79کے کارکن دولہا فہد عزیز کو پولیس کی جانب سے بلاجواز اور غیر قانونی طور پر گرفتار کرکے حراست میں بہیمانہ تشدد کا نشانہ بنائے جانے کے واقعہ کو الیکٹرانک میڈیا میں کورریج دینے پر تمام چینلز کے رپورٹرز اور کیمرہ مین حضرات کو سلام تحسین پیش کیا ہے ۔ خورشید بیگم سیکریٹریٹ عزیز آباد میں لندن سے پرہجوم ٹیلی فونک پریس کانفرنس سے خطاب کرتے ہوئے ایک موقع پر انہوں نے کہاکہ میں خدا کی قسم خلوص دل کے ساتھ کہتا ہوں کہ کل جس طرح الیکٹرانک میڈیا کے چینلز، رپورٹرز نے ، کیمرہ مینوں نے پریس کلب پہنچ کر بارات اور سجی سجائی بہن بیٹیوں کو روتے ہوئے ، دلہن کو روتے ہوئے اورمطالبات کرتے دیکھایا اورجس طرح مظلوم کا مقدمہ لڑا اس پر میں ٹیلی ویژن چینلز ، کیمرہ مین کا شکریہ ادا کرتاہوں اور دعا گو ہوں کہ اللہ ان کو سلامت رکھے اور ان کی دلی مرادیں پوری کرے ۔