کاروباری حضرات، ٹرانسپورٹر ز، پیٹرول پمپس، دکاندار ،پتھاریدار ،روزمرہ کی کمائی کرنے والے حضرات دوپہر 2بجے کے بعد اپنی کاروباری سرگرمیوں کاسلسلہ دوبارہ شروع کردیں۔ایم کیوایم رابطہ کمیٹی کی اپیل
عوام دوپہردوبجے کے بعدیوم سوگ کا دائرہ شہداء کیلئے قرآن خوانی وفاتحہ خوانی تک محدود ر کھیں۔ رابطہ کمیٹی
ایم کیوایم کے کارکن سلمان کے ماورائے عدالت قتل کے خلاف انتہائی کامیاب اور پرامن یوم سوگ منانے پرپاکستان خصوصاًسندھ بھر کے عوام سے رابطہ کمیٹی کا اظہارتشکر
عوام نے ایم کیوایم کی اپیل پر جس طرح بھرپوراندازمیں لبیک کہاہے اس کی مثال نہیں ملتی
ایم کیوایم کورنگی سیکٹرکے کارکن سلمان کو سرکاری حراست میں جس سفاکانہ اوروحشیانہ تشددکانشانہ بناکر ماورائے عدالت قتل کیا گیا ہے اس پر ہرآنکھ اشکباراورہردل افسردہ ہے
پرامن یوم سوگ کی بھرپور حمایت کرنے پر کراچی سمیت سندھ بھرکی تمام تاجرتنظیموں، مارکیٹ انجمنوں، ٹرانسپورٹ تنظیموں، پیٹرول پمپ اورسی این جی ایسوسی ایشنز، اسکولز ایسوسی ایشنزاورمختلف سماجی وشہری تنظیموں کاخصوصی شکریہ
ہرشعبہ ء زندگی سے تعلق رکھنے والے افرادنے ایم کیوایم کے کارکن سلمان کے سفاکانہ ماورائے عدالت قتل کے خلاف احتجاج رجسٹرکرانے میں ہمارابھرپورساتھ دیاہے
عوام کویقیناًکچھ مشکلات اور تکالیف کاسامنا کرناپڑا ہوگاجس پر ہم ان سے دلی ہمدردی کااظہارکرتے ہیں۔رابطہ کمیٹی
کراچی۔۔۔8 فروری 2014ء