ایم کیوایم کی پریس کانفرنس میں تاجریاٹرانسپورٹرزکودھمکی کا ایک لفظ تک نہیں کہاگیا ہے اورنہ ہی کسی کو فون کرکے دھمکی دی۔ترجمان
بلاول بھٹوزردای کابیان نہایت افسوسناک اورحقائق کے سراسرمنافی ہے ۔ ترجمان ایم کیوایم
بلاول بھٹوزرداری اپنے بیان کوواپس لیں اور شہید کے لواحقین اورعوام سے معافی مانگیں۔ترجمان
کراچی۔۔۔7 فروری 2014ء
متحدہ قومی موومنٹ کے ترجمان نے ایم کیوایم کی جانب سے یوم سوگ کے اعلان پر پیپلزپارٹی کے سرپرست اعلیٰ بلاول بھٹوزرداری کے تبصرہ پر شدیدافسوس کااظہارکیاہے ۔ اپنے بیان میں ترجمان نے کہاکہ ایم کیوایم نے اپنے کارکن کے بہیمانہ ماورائے عدالت قتل پر کل بروزہفتہ پرامن یوم سوگ کااعلان کیاہے اورکاروباری حضرات اورٹرانسپورٹرزسے رضاکارانہ طورپر دکانیں اورٹرانسپورٹ بندرکھنے کی درخواست کی ہے ، کاروباری حضرات اورٹرانسپورٹرز نے ہمیشہ تعاون کیاہے،ایم کیوایم رابطہ کمیٹی کی پریس کانفرنس میں تاجریاٹرانسپورٹرزکودھمکی کا ایک لفظ تک نہیں کہاگیاہے اورنہ ہی کسی کو فون کرکے دھمکی دی لیکن بلاول بھٹوزرداری نے ایم کیوایم کے کارکن کے ماورائے عدالت قتل اورسفاکانہ تشددکے واقعہ پر افسوس کااظہارکرنے کے بجائے ایم کیوایم پر تاجروں اورٹرانسپورٹرز کو دھمکیاں دینے کاالزام لگادیاہے جو نہایت افسوسناک اورحقائق کے سراسرمنافی ہے ۔ ترجمان نے کہاکہ بلاول بھٹوزرداری کوچاہیے کہ وہ اپنے بیان کوواپس لیں اور شہید کے لواحقین اورعوام سے معافی مانگیں۔