ایم کیوایم کے مرکز نائن زیرو کے پڑوسی فرحت صدیقی کو سپرد خاک کردیا گیا ، رابطہ کمیٹی کے ارکان ، اہل محلہ اور دیگرکی شرکت

کراچی ۔۔۔7، فروری 2014ء 

متحدہ قومی موومنٹ کے مرکز نائن زیرو کے پڑوسی فرحت صدیقی مرحوم کو یاسین آباد کے قبرستان میں سپرد خاک کردیا گیا ۔ مرحوم کی نماز جنازہ نوری مسجد علی آباد میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے ارکان شاکر علی ، اسلم آفریدی ، اہل محلہ ،ایم کیوایم فیڈرل بی ایریا سیکٹر کمیٹی کے اراکین ، یونٹوں کے ذمہ داران ، کارکنان ، ہمدردوں اور مرحوم کے عزیز و اقارب نے شرکت کی ۔ قبل ازیں ایم کیوایم کی رابطہ کمیٹی کے اراکین واسع جلیل ، عادل خا ن اورعبد الحسیب نے فرحت صدیقی مرحوم کی رہائشگاہ جاکر سوگوار لواحقین سے قائد تحریک جناب الطاف حسین کی جانب سے دلی تعزیت وہمدردی کااظہار کیا اور انہیں صبر کی تلقین کی ۔ اس موقع پر انہوں نے مرحوم بلند درجات کیلئے دعا بھی کی ۔