ایم کیوایم کوججز اور سرکاری افسران کی دہری شہریت پر کوئی اعتراض نہیں ہے ،بابر غوری

لندن۔۔۔6،فروری 2014ء

سینیٹ میں ایم کیوایم کے پارلیمانی لیڈر بابرخان غوری نے کہاہے کہ دہری شہریت رکھنے والے پاکستانی محب وطن ہیں اور ایم کیوایم کوججز اور سرکاری افسران کی دہری شہریت پر کوئی اعتراض نہیں ہے ۔ایک بیان میں انہوں نے کہاکہ پاکستان کے آئین میں عدلیہ یا سرکاری ملازمت میں دہری شہریت کی کوئی پابندی نہیں ہے۔ ایم کیوایم کو پاکستان کی اعلیٰ عدلیہ پرمکمل اعتماد ہے اورایم کیوایم، بیرون ملک مقیم دہری شہریت رکھنے والے لاکھوں پاکستانیوں کی حب الوطنی کوہرقسم کے شک وشبے سے بالاتر سمجھتی ہے۔بابر غوری نے وزیراعظم میاں نواز شریف سے مطالبہ کیا کہ وہ اپنے اعلان کے مطابق دہری شہریت رکھنے والے پاکستانیوں کو الیکشن میں حصہ لینے کے مواقع فراہم کرنے کیلئے قانون سازی کریں۔