ایم کیوایم کی رابطہ کمیٹی کے ڈپٹی کنوینرڈاکٹرخالدمقبول صدیقی کے والدمقبول حسین صدیقی کوشہداء قبرستان یٰسین آبادمیں سپردخاک کردیاگیا

کراچی:۔۔۔(اسٹاف رپورٹر)

متحدہ قومی موومنٹ کے ڈپٹی کنوینر ڈاکٹرخالدمقبول صدیقی کے والد مقبول حسین صدیقی مرحوم کوبعدنمازعصرشہداء قبرستان ٰیٰسین آبادمیں سپردخاک کردیا گیا ۔ اس سے قبل مرحوم کی نمازجنازہ جناح گراؤنڈعزیزآبادمیں اداکی گئی،جامع مسجدایک مینارہ عزیزآبادکے امام مفتی محمداظہرالاسلام نے مقبول حسین صدیقی کی نماز جنازہ اداکرائی اورانتہائی خشوع و خضوغ کے ساتھ مرحوم کی مغفرت،ان کے درجا ت کی بلندی اورڈاکٹرخالدمقبول صدیقی سمیت مرحوم کے تمام لواحقین کیلئے صبرجمیل کی دعاکی۔نمازجنازہ اورتدفین میں ایم کیو ایم کی رابطہ کمیٹی کے ڈپٹی کنوینرزڈاکٹرنصرت،انجینئرناصرجمال،اراکین رابطہ کمیٹی،حق پرست سینیٹرز،اراکین قومی وصوبائی اسمبلی،سابق وزراء وارکان اسمبلی،کراچی تنظیمی کمیٹی ،سندھ ، پنجاب، بلوچستان،خیبرپختونخواہ ،گلگت بلتستان ،آزاد کشمیر کمیٹیوں کے عہدیداران،لیبرڈویژن،اے پی ایم ایس او،ایلڈرزونگ،میڈیکل ایڈ،لیگل ایڈ،سوشل فورم ، تمام مکاتب فکرکے علمائے کرام، مختلف شعبہ ہائے زندگی سے تعلق والے افراد، سماجی،فلاحی ،صحافتی انجمنوں،ادبی شخصیات کے علاوہ ایم کیوایم کے ہمدردوں اورمرحوم کے عزیزو اقارب نے کثیرتعدادمیں شرکت کی اور مرحوم کی مغفرت،ان کے درجات کی بلندی اورسوگوارلواحقین کے صبرجمیل کیلئے فاتحہ خوانی کی۔مقبول حسین صدیقی کی فاتحہ سوئم7فروری بروزجمعہ بعد نمازعصرتامغرب لال قلعہ گراؤنڈ عزیزآبادبلاک8میں ہوگاجس میں مرحوم کی روح کے ایصال ثواب کیلئے قرآن خوانی وفاتحہ خوانی کی جائیگی جبکہ خواتین کیلئے فاتحہ خوانی کااہتمام لال قلعہ گراؤنڈسے متصل مرحوم کی رہائشگاہ پرہوگی۔دریں اثناء ایم کیوایم کی رابطہ کمیٹی کے ارکان نسرین جلیل اور آنسہ ممتازانوارنے شعبہ خواتین کی ذمہ داران وکارکنان کے ہمراہ مرحوم کی رہائشگاہ جاکرڈاکٹرخالدمقبول صدیقی اوردیگرلواحقین سے دلی تعزیت وہمدردی کااظہارکیااورمرحوم کی مغفرت اوردرجات کی بلندی کیلئے فاتحہ خوانی کی۔