ایم کیوایم کے قائد الطاف حسین کی ڈاکٹر خالد مقبول صدیقی سے فون پر گفتگو، والد مقبول حسین صدیقی کے انتقال پر تعزیت کی
مقبول حسین صدیقی نے تحریک کے خلاف ریاستی آپریشن کے دوران بہت مصائب کا سامنا کیا اور گھر سے دربدری اور وطن سے دوری کا عذاب بھی جھیلا
اللہ تعالیٰ مقبول حسین صدیقی کی قربانیوں کو قبول فرمائے۔ الطاف حسین
لندن ۔۔۔6 فروری 2014ء
متحدہ قومی موومنٹ کے قائدجناب الطا ف حسین نے رابطہ کمیٹی کے ڈپٹی کنوینر ڈاکٹرخالد مقبول صدیقی کو فون کرکے ان سے انکے والد مقبول حسین صدیقی کے انتقال پر تعزیت کی۔ جناب الطا ف حسین نے ڈاکٹر خالد مقبول صدیقی کوتسلی دیتے ہوئے کہا کہ آپ کے والد نے تحریک کے خلاف ریاستی آپریشن کے دوران بہت مصائب کا سامنا کیا اورگھر سے دربدری اور وطن سے دوری کا عذاب بھی جھیلا، اللہ تعالیٰ ان کی قربانیوں کو قبول فرمائے، ان کے تمام صغیرہ کبیرہ گناہوں کو معاف فرمائے اور تمام گھر والوں کو یہ عظیم صدمہ برداشت کرنے کاحوصلہ عطا فرمائے۔