ایم کیوایم کے ڈپٹی کنوینر ڈاکٹر خالد مقبول صدیقی کے والد مقبول حسین صدیقی انتقال کرگئے

کراچی۔۔۔6 فروری 2014ء

متحدہ قومی موومنٹ کے ڈپٹی کنوینر ڈاکٹرخالدمقبول صدیقی کے والد مقبول حسین صدیقی بدھ اورجمعرات کی درمیانی شب کراچی میں انتقال کرگئے۔ مرحوم کی عمر 82سال تھی۔ مقبول حسین صدیقی کافی دنوں سے علیل تھے اورعلالت کے باعث کئی روزتک کراچی کے ایک مقامی اسپتال میں زیرعلاج تھے۔ چند روز قبل انہیں اسپتال سے گھر منتقل کردیا گیا تھا۔ بدھ کی شب طبیعت زیادہ خراب ہوجانے کی وجہ سے انہیں دوبارہ اسپتال لے جایا گیا تاہم بدھ اورجمعرات کی درمیانی شب وہ خالق حقیقی سے جاملے ۔ انتقال کی اطلاع ملتے ہی رابطہ کمیٹی کے کئی ارکان اوردیگرذمہ داران بھی اسپتال پہنچ گئے جنہوں نے ڈاکٹرخالدمقبول صدیقی سے ان کے والدکے انتقال پر تعزیت کی ۔ دریں اثناء لندن سے بھی رابطہ کمیٹی کے ارکان نے ڈاکٹرخالد مقبول صدیقی کو فون کرکے ان سے انکے والدکے انتقال پر تعزیت کی اورمرحوم کے لئے دعائے مغفرت کی۔