حق پرست رکن قومی اسمبلی وسیم حسین کے والد کی نماز جنازہ و تدفین میں ایم کیو ایم رابطہ کمیٹی کے رکن شاکر علی وارکان اسمبلی کی شرکت
حیدرآباد ۔۔۔۔04 ،فروری،2014 ء
حق پرست رکن قومی اسمبلی سید وسیم حسین کے والد سید کاظم حسین مرحوم کو ٹنڈو یوسف قبرستان میں سپردِ خاک کیا گیا، مرحوم کی نماز جنازہ فقیر کاپڑ چوک پر ادا کی گئی ۔ نماز جنازہ و تدفین میں رابطہ کمیٹی کے رکن سید شاکر علی ،معاون رابطہ کمیٹی جاوید کاظمی،صوبائی تنظیمی کمیٹی(سندھ) کے انچارج محمد عمر قریشی واراکین، زونل انچارج حیدرآباد نوید شمسی و اراکین زونل کمیٹی ،حق پرست ارکان سندھ اسمبلی، عامر معین پیرزادہ ، زبیر احمد خان ، انجینئر راشد خلجی ، دلاور قریشی ایڈوکیٹ ، حیدرآباد کے مختلف ،سیکٹرزو یونٹس کے ذمہ داران و کارکنان سمیت مرحوم کے عزیز و اقارب ، مختلف سیاسی ،مذہبی و سماجی تنظیموں کے عہدیداران ، پرنٹ و الیکٹرونک میڈیا سے تعلق رکھنے والے صحافی حضرات ، عمائدینِ شہر اور علاقے کی عوام کی کثیر تعداد نے شرکت کی ۔