میاں چنوں میں مدرسے کی چھت گرنے کے المناک حادثہ پر الطا ف حسین کااظہار افسوس

لندن۔۔۔02، فروری 2014ء 

متحدہ قومی موومنٹ کے قائد جناب الطاف حسین نے میاں چنوں میں مدرسے کی چھت گرنے کے المناک حادثہ میں درجنوں بچوں کے دب کر زخمی ہونے اور دوخواتین سمیت متعدد طالب علموں اور دیگر افراد کے جاں بحق ہونے پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے جاں بحق ہونے والے افراد کے تمام سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ جاں بحق افراد کو جنت الفردوس میں اعلیٰ مقام عطا فرمائے ، سوگواران کو یہ صدمہ برداشت کرنے کا حوصلہ عطاکرے اور زخمیوں کو جلد ومکمل صحت و تندرستی عطا فرمائے۔ (آمین)