ایک دفعہ پھر ایم کیو ایم کے کارکنان کو ماورائے عدالت قتل کرنے کا سلسلہ شروع کردیا گیا ہے، رابطہ کمیٹی

کراچی۔۔۔31جنوری2014ء

متحدہ قومی موومنٹ کی رابطہ کمیٹی نے ایم کیو ایم لیاری سیکٹریونٹ 32کے کارکن ریحان ولد حسین اور ایم کیو ایم قصبہ علی گڑھ سیکٹر یونٹ132کے کارکن فیصل شہزاد ولد سمیع اللہ کی پر ااسرار حالات میں جاں بحق ہونے پر گہری تشویش کا اظہار کیا ہے اور کارکنان کے شہید ہونے کی شدید الفاظ میں مذمت کی ہے۔ایک بیان رابطہ کمیٹی نے کہا کہ فیصل شہزاد 17جنوری کو لیاقت آباد میں واقع اپنے سسرال سے گلشن اقبال جا نے کے لئے نکلے تھے کہ راستے سے لاپتہ ہوگئے ،ان کے اہل خانہ کی طرف سے سندھ ہائی کورٹ میں ان کی بازیابی کے لئے ایک درخواست سندھ ہائی کورٹ میں 20جنوری کو داخل کی گئی تھی لیکن31جنوری کو مواچھ گوٹھ کے علاقے سے ان کی لاش ملی ہے جبکہ ریحان حسن 24جنوری کو طارق روڈ پر واقع اپنے دفتر کے لئے نکلے تھے اور اس کے بعد سے وہ لاپتہ تھے ۔31 جنوری کو ان کے گھر والوں کو اخبارات کے ذریعے معلوم ہوا کہ ان کی لاش سول اسپتال میں موجو دہے۔رابطہ کمیٹی نے فیصل شہزاد اور ریحان حسن کے پر اسرار حالات میں جاں بحق ہونے کی شدید مذمت کرتے ہوئے کہا کہ ایک دفعہ پھر ایم کیو ایم کے کارکنان کو ماورائے عدالت قتل کرنے کا سلسلہ شروع کردیا گیا ہے۔جسکی جتنی بھی مذمت کی جائے کم ہے ۔رابطہ کمیٹی نے کہا کہ قانون کی حکمرانی اور جرائم بیخ کنی کے لئے ضروری ہے کہ تمام اقدامات قانون کے تحت کئے جائیں ۔اگر کسی بھی فرد کے اوپر کوئی الزام ہے تو اس پر با قاعدہ مقدمہ چلاکر قانون کے مطابق کاروائی کرنی چائیے۔رابطہ کمیٹی نے صدر پاکستان ممنون حسین،وزیر اعظم پاکستان میاں محمد نواز شریف،وزیر اعلیٰ سندھ سید قائم علی شاہ اور تمام مقتدر اداروں سے اپیل کی کہ وہ ریحان حسن اور فیصل شہزاد کی شہادت کا سختی سے نوٹس لیں اور ملوث افراد کے خلاف سخت کاروائی کو یقینی بنائیں۔ایم کیو ایم کی رابطہ کمیٹی نے شہید کارکنان کے سوگوار لواحقین سے دلی تعزیت و ہمدردی کا اظہار کرتے ہوئے شہداء کی مغفرت اور سوگواران کیلئے صبر جمیل کی دعا کی ۔