ایم کیوایم کی رابطہ کمیٹی کے سابق رکن سلیم شہزاد کے بھتیجے مقتول شفقت عزیز کو یاسین آباد کے قبرستان میں سپرد خاک کردیا گیا
نماز جنازہ اور تدفین میں رابطہ کمیٹی ، حق پرست اراکین قومی وصوبائی اسمبلی ، ذمہ داران ، کارکنان اور عزیز و اقارب کی بڑی تعداد میں شرکت
کراچی ۔۔۔31، جنوری 2014ء
متحدہ قومی موومنٹ کی رابطہ کمیٹی کے سابق رکن سلیم شہزاد کے بھتیجے مقتول شفقت عزیز کو سوگواران کی آہوں اور سسکیوں کے درمیان یاسین آباد کے قبرستان میں سپرد خا ک کردیا گیا ۔ مقتول کی نماز جنازہ جامع مسجد مدنی بلاک 5گلشن اقبال میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے ارکان احمد سلیم صدیقی ،کیف الوریٰ ، امین الحق ، حق پرست اراکین قومی وصوبائی اسمبلی ، ایم کیوایم کے مختلف ونگز اور شعبہ جات کے اراکین ، ایم کیوایم گلشن اقبال سیکٹر کمیٹی کے ارکان ، یونٹوں کے ذمہ داران ، کارکنان ، ہمدردوں اور مقتول کے عزیز واقارب نے بڑی تعداد میں شرکت کی ۔ دریں اثناء شفقت عزیز مرحوم کا سوئم 2فروری بروز اتوار کو بعد نما ز ظہر گلشن اقبال بلاک 5میں واقع جامع مسجد مدنی میں ہوگا جبکہ خواتین کیلئے سوئم کا اہتمام مقتول کی رہائشگا ہ پر کیاجائے گا ۔