مسلح دہشت گردوں کی فائرنگ سے پروفیسر سید اصغرعلی زیدی کے جاں بحق اور ان کے اہلیہ شاہانہ کے زخمی ہونے کے واقعہ پر رابطہ کمیٹی کا اظہارمذمت

واقعہ فرقہ وارانہ فسادات کو ہوا دینے کی سازش ہے

حکومت ،واقعہ میں ملوث سفاک دہشت گردوں کو گرفتار کرکے مرحوم کے اہل خانہ کو انصاف فراہم کی جائے، رابطہ کمیٹی کا مطالبہ

کراچی ۔۔۔30، جنوری 2014ء 
متحدہ قومی موومنٹ کی رابطہ کمیٹی نے مسلح دہشت گردوں کی فائرنگ سے پروفیسر سید اصغر علی زیدی کے جاں بحق اور ان کے اہلیہ شاہانہ کے زخمی ہونے کے واقعہ پر شدید مذمت کی ہے ایک بیان میں رابطہ کمیٹی نے واقعہ کو فرقہ وارانہ فسادات کو ہوا دینے کی سازش ہے اور حکومت سے مطالبہ کیا ہے کہ واقعہ کا فی الفور نوٹس لیا جائے اور اس میں ملوث سفاک دہشت گردوں کو گرفتار کرکے مرحوم کے اہل خانہ کو انصاف فراہم کیا جائے ۔رابطہ کمیٹی نے مرحوم کی مغفرت اور سوگواران کیلئے صبر جمیل کی دعا کی ۔ انہوں نے اصغرعلی زیدی کی اہلیہ کے لئے جلد و مکمل صحتیابی کیلئے بھی دعا کی ۔