کوئی بھی منفی پروپیگنڈہ کارکنان و عوام کو قائد تحریک الطاف حسین سے دور نہیں کرسکتا، رابطہ کمیٹی

لندن۔۔۔30، جنوری2014ء

متحدہ قومی موومنٹ کی رابطہ کمیٹی نے قائد تحریک جناب الطاف حسین اور ایم کیوایم کے خلاف بین الاقوامی سطح پر سازشوں کی خبرپر پاکستان سمیت دنیا بھر سے ایم کیوایم انٹرنیشنل سیکریٹریٹ لندن فیکس، ای میل اور ٹیلی فون پیغامات ارسال کرنے والے ایم کیوایم کے ذمہ داران ، کارکنان اور ہمدردعوام سے دلی تشکرکا اظہارکیا ہے ۔ رابطہ کمیٹی نے کہا کہ ایم کیوایم اور قائد تحریک الطاف حسین کے خلاف سازشوں اور منفی پروپیگنڈوں کے خلاف پاکستان سمیت دنیا بھر میں موجود کارکنان وعوام میں گہری تشویش پائی جاتی ہے۔ ہزاروں کی تعداد میں کارکنان وعوام نے انٹرنیشنل سیکریٹریٹ لندن میں فیکس، ای میل اور ٹیلی فون کے ذریعہ اپنے پیغامات میں ایم کیوایم اور جناب الطاف حسین کے خلاف سازشوں اورمنفی پروپیگنڈوں پر تشویش ظاہر کی اور جناب الطاف حسین سے والہانہ عقیدت و محبت پر مبنی جذبات کا اظہار کیا ہے جو اس بات کاثبوت ہے کہ کوئی بھی منفی پروپیگنڈہ کارکنان وعوام کو جناب الطا ف حسین سے دور نہیں کرسکتا۔ رابطہ کمیٹی نے کہاکہ ہم پاکستان سمیت دنیا بھر سے پیغامات ارسال کرنے والے کارکنان وعوام کے جذبات کی قدرکرتے ہیں اورقائد تحریک جناب الطاف حسین سے والہانہ عقیدت ومحبت کے اظہارپر انہیں زبردست خراج تحسین پیش کرتے ہیں ۔ رابطہ کمیٹی نے دعا کی کہ اللہ تعالیٰ تحریک کے مخلص ، سچے اور ثابت قدم ساتھیوں کو اپنی حفظ وامان میں رکھے ۔ انشاء اللہ ایم کیوایم اور قائد تحریک جناب الطا ف حسین کے خلاف ہرسازش ناکام ثابت ہوگی ۔