ایم کیو ایم کی رابطہ کمیٹی کے سابق رکن سلیم شہزاد کے بھتیجے شفقت عزیز کی بہیمانہ قتل کا نوٹس لیا جائے ، رابطہ کمیٹی

کراچی۔۔۔۔30جنوری2013ء

متحدہ قومی موومنٹ کی رابطہ کمیٹی نے ایم کیو ایم کے سینئر کارکن و سابق رکن رابطہ کمیٹی سلیم شہزاد کے بھتیجے شفقت عزیز کی بہیمانہ قتل کی مذمت کرتے ہوئے حکومت سے مطالبہ کیا ہے کہ قتل کے واقعہ کا نوٹس لیا جائے اور اس میں ملوث افرادکو گرفتارکرکے سخت سے سخت سزا دی جائے۔رابطہ کمیٹی نے کہا کہ جرائم پیشہ عناصر کھلے عام شہر میں دندناتے پھررہے ہیں لیکن حکومت کی جانب سے ان جرائم پیشہ عناصر کو نہ تو گرفتار کیا جارہا ہے اور نہ ہی اس قسم کی وارداتوں کی روک تھام کیلئے کسی قسم کے کوئی اقدامات کئے جارہے ہیں جس پر جتنی بھی مذمت کی جائے وہ کم ہے ۔ رابطہ کمیٹی نے سلیم شہزادسمیت مرحوم کے تمام سو گوار لواحقین سے دلی تعزیت و ہمدردی اظہار کر تے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطافرمائے اور سو گووار لواحقین کو یہ صدمہ برادشت کرنے کا حوصلہ دین۔ آمین