وزیراعظم نوازشریف نےمذاکرات کیلئےجواعلان کیاہےاس کیلئےدعاگوہیں۔متحدہ قومی موومنٹ
آل پارٹیزکانفرنس میں جب تمام سیاسی جماعتوں نے مذاکرات کامشورہ دیاتھا ،ایم کیوایم نےاس وقت بھی کہاتھاکہ امن کی خاطرہم بھی اس کےحق میں ووٹ دیتے ہیں
وزیراعظم نوازشریف کی پارلیمنٹ میں کی جانےوالی تقریرمیں شدت پسندوں سےمذاکرات کیلئےچاررکنی کمیٹی کےقیام پررابطہ کمیٹی کاتبصرہ
کراچی ۔۔۔۔29 جنوری 2014ء
متحدہ قومی موومنٹ کی رابطہ کمیٹی نے وزیراعظم نوازشریف کی پارلیمنٹ میں کی جانے والی تقریر میں شدت پسندوں سے مذاکرات کے لئے چار رکنی کمیٹی کے قیام پر تبصرہ کرتے ہوئے کہاہے کہ اس سلسلے میں ہونے والی آل پارٹیزکانفرنس میں جب تمام سیاسی جماعتوں نے مذاکرات کامشورہ دیاتھا ،ایم کیوایم نے اس وقت بھی کہاتھاکہ اگر تمام سیاسی جماعتوں کی یہی رائے ہے تو امن کی خاطر ہم بھی اس کے حق میں ووٹ دیتے ہیں ۔آج وزیراعظم نوازشریف نے مذاکرات کیلئے جواعلان کیاہے ہم اس کے لئے دعاگوہیں۔