سابق حق پرست ایم این اے اخلاق حسین عابدی کے چھوٹے بھائی اور موجودہ ایم این اے علی رضا عابدی کے چچا سید عابد حسین عابدیکے انتقال پر الطاف حسین کا اظہار افسوس
لندن ۔۔۔26، جنوری 2014ء
متحدہ قومی موومنٹ کے قائد جناب الطاف حسین نے سابق حق پرست رکن قومی اسمبلی اخلا ق حسین عابدی کے چھوٹے بھائی اور موجودہ حق پرست رکن قومی اسمبلی علی رضا عابدی کے چچا سید عابد حسین عابدی کے انتقال پر گہرے دکھ اور افسوس کااظہا رکیا ہے ۔ ایک تعزیتی بیان میں انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ انہوں نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران یہ صدمہ برداشت کرنے کا حوصلہ عطاکرے۔ (آمین)
دریں اثناء متحدہ قومی موومنٹ کی رابطہ کمیٹی نے بھی سید عابد حسین عابدی کے انتقال پر گہرے رنج وغم کااظہار کیا ہے اور سوگوار لواحقین سے دلی تعزیت وہمدردی کااظہار کرتے ہوئے مرحوم کے بلند درجات کیلئے دعا کی ۔