محفل ذکرمصطفی ؐکی خوبصورت محفل سجانے پرالطاف حسین کارابطہ کمیٹی ،شعبہ جات اورایم کیوایم کے ذمہ داران وکارکنان کوخراج تحسین

لندن۔۔۔26جنوری2014ء

متحدہ قومی موومنٹ کے جناب الطاف حسین نے جناح گراؤنڈ عزیز آباد میں عظیم الشان ’’ ذکر مصطفیؐ‘‘کی خوبصورت محفل سجانے پررابطہ کمیٹی،شعبہ جات کے ارکان اورایم کیوایم کے ایک ایک ذمہ داراورکارکن کوخراج تحسین پیش کرتے ہوئے کہا کہ شاید ہی آج تک کسی سیاسی و مذہبی جماعت نے اتنی خوبصورتی سے محفلؐ سجائی ہو۔جناب الطا ف حسین نے کہا کہ محفل ذکرمصطفی کے سلسلے میں اسٹیج اور پنڈال کو خوبصورتی سے سجایا گیا ہے اور حضور اکرم 249 کی شان اقدس میں یہ پرنور محفل سجانے اوراس کی تیاریوں میں حصہ لینے والے ایم کیوایم کاایک ایک ذمہ داراورکارکن خراج تحسین کامستحق ہے ۔انہوں نے دعاکی کہ اللہ تعالیٰ محفل ؐ اور اس کے شرکاء پر اپنی رحمتوں اور برکتوں کی بارش عطا فرمائے اور ان کی دلی حاجات کو پورا کرے ۔