لانڈھی میں مسلح افرادکی جانب سے پولیس موبائل پر دستی بم حملہ قابل مذمت ہے۔رابطہ کمیٹی متحدہ قومی موومنٹ
گزشتہ دوروزسے کراچی سمیت سندھ کے مختلف شہروں میں مسلح دہشت گردوں کی جانب سے دستی بموں کے حملوں کے واقعات ہورہے ہیں۔ واقعہ میں ملوث افرادکوگرفتارکیاجائے ۔ رابطہ کمیٹی
واقعہ میں جاں بحق ہونے والے پولیس اہلکاروں کے لواحقین سے اظہارتعزیت ،زخمیوں کی جلدصحتیابی کی دعا
کراچی۔۔۔25،جنوری2014ء
متحدہ قومی موومنٹ کی رابطہ کمیٹی نے مسلح افرادکی جانب سے لانڈھی میں پولیس موبائل پر دستی بم حملے کی شدیدمذمت کی ہے اورواقعہ میں پولیس اہلکاروں کے جاں بحق اورزخمی ہونے پر دلی افسوس کااظہارکیاہے۔اپنے بیان میں رابطہ کمیٹی نے کہاکہ گزشتہ دوروزسے کراچی سمیت سندھ کے مختلف شہروں میں مسلح دہشت گردوں کی جانب سے دستی بموں کے حملوں کے واقعات ہورہے ہیں اورآج لانڈھی میں بھی پولیس پر حملہ کیاگیاہے جس کی جتنی بھی مذمت کی جائے کم ہے ۔
رابطہ کمیٹی نے مطالبہ کیاکہ واقعہ میں ملوث افرادکوگرفتارکیاجائے ۔ رابطہ کمیٹی نے واقعہ میں جاں بحق ہونے والے پولیس اہلکاروں کے لواحقین سے دلی تعزیت کااظہارکیااورزخمیوں کی جلدصحتیابی کی دعاکی۔