ملک دشمن دہشت گردوں سے مذاکرات کاعمل امن کاضامن نہیں ہوسکتا،میاں عتیق

راولپنڈی:۔۔۔۔24جنوری2014 

متحدہ قومی موومنٹ کے قائدجناب الطاف حسین کی ہدایت پرایم کیوایم کے زیراہتمام سینٹرل پنجاب،لوئرپنجاب اوراپر پنجاب کے شہروں لاہور،راولپنڈی اورملتان میں دعائیہ اجتماعات منعقدکیے گئے جس میں قومی سلامتی اورملک بھرمیں بم دھماکوں،خودکش حملوں اوردہشت گردی کے دیگرواقعات میں شہید ہونیوالے فوجی جوانوں،پولیس اہلکاروں، صحافیوں ،مذاہبی رہنماؤں،معصوم بچوں ،بچیوں اور خواتین سمیت بے گناہ شہریوں سے اظہاریکجہتی کیاگیااورشہداء کی مغفرت ان کے درجات کی بلندی کیلئے خصوصی دعائیں کی گئیں ۔دعائیہ اجتماعات میں ایم کیوایم کی رابطہ کمیٹی کے ارکان،حق پرست منتخب عوامی نمائندوں،سینٹرل ایگریکٹوکونسل کے ارکان،سینٹرل پنجاب،لوئرپنجاب اوراپرپنجاب کے انچارجز واراکین ،مقامی عہدیداران اوردیگرذمہ داران وکارکنان کے علاوہ حق پرست عوام نے بڑی تعدادمیں شرکت کی۔دعائیہ اجتماعات سے رکن رابطہ کمیٹی میاں عتیق اور سینٹرل پنجاب کے صدرورکن قومی اسمبلی طاہرہ آصف سمیت دیگرمقررین نے خطاب کیااپنے خطاب میں میاں عتیق اورطاہرہ آصف نے کہاکہ دہشت گردوں سے مذاکرات کا عمل امن کاضامن نہیں ہوسکتا،اگرامن چاہئے توعدل وانصاف قائم کرناہوگااوردہشت گردوں کوان کے کئے کی سزادینی ہوگی۔انہوں نے کہاکہ عوام کی بھرپورحمایت اورطاقت سے ایم کیوایم ملک دشمن دہشت گردوں کے سامنے مضبوط دیواربن چکی ہیں۔انہوں نے کہاکہ قائد تحریک الطاف حسین واحدلیڈرہیں جنہوں نے دہشت گردی کے خلاف سب سے پہلے صدائے احتجاج بلندکیااوردہشت گردی کی کھل کرمذمت کی۔انہوں نے مزیدکہاکہ طالبان کی دہشت گردیوں اورقتل وغارتگری کے خلاف پاکستان کی واحدسیاسی جماعت کی آوازمتحدہ قومی موومنٹ کے قائدالطاف حسین تھی جنہوں نے کچھ سال قبل ہی ملک بھرکے عوام کوطالبانائزیشن کے خطرے سے آگاہ کیا۔دعائیہ اجتماعات میں ملک بھرمیں دہشت گردی کے واقعات میں زخمی ہونیوالے افرادکی جلدومکمل صحتیابی کیلئے بھی دعائیں کی گئیں۔