دہشت گردوں کی جانب سے جے ڈی سی ایمبولینس پر فائرنگ کے واقعہ پر رابطہ کمیٹی کا اظہار مذمت

کراچی:۔۔23؍ جنوری 2014ء

متحدہ قومی موومنٹ کی رابطہ کمیٹی نے مسلح دہشت گردوں کی جانب سے جے ڈی سی ایمبولینس پر فائرنگ کی سخت ترین الفاظ میں مذمت کی ہے اور فائرنگ کے نتیجے میں ڈرائیور کے جاں بحق اور ایمبولینس میں موجود مریض کے زخمی ہونے پر دکھ اور افسوس کا اظہار کیا ہے اور اس واقعہ کو فرقہ وارانہ فسادات کو ہوادینے کی سازش قرار دیا ہے۔ رابطہ کمیٹی نے وزیر اعلی سندھ سید قائم علی شاہ سے مطالبہ کیا ہے کہ ایمبولینس پر فائرنگ کے واقعہ کا فوری نوٹس لیا جائے اور اس میں ملوث دہشت گردوں کو گرفتارکرکے قرار واقعی سزا دی جائے۔ رابطہ کمیٹی نے جاں بحق ہونے والے فرد کے سو گوار لواحقین سے دلی تعزیت و ہمدردی اظہار کرتے ہوئے مرحوم کی مغفرت اور سو گوار ان کیلئے صبر جمیل کی دعا کی۔