ایم کیوایم کی رابطہ کمیٹی کے ڈپٹی کنوینرز کا رابطہ کمیٹی کے ارکان کے ہمراہ جناح گراؤنڈ عزیز آباد کا دورہ
محفل ذکر مصطفیؐ کی تیاریوں کے سلسلے میں مصروف ایم کیو ایم کے کارکنان سے رابطہ کمیٹی کے ڈپٹی کنوینرز کی فرداً فرداً ملاقات
قائد تحریک جناب الطاف حسین کی جانب سے شاباش اور خراج تحسین پیش کی
کراچی:۔۔۔23؍جنوری2014ء
متحدہ قومی موومنٹ کی رابطہ کمیٹی کے ڈپٹی کنوینرز ڈاکٹر خالد مقبول صدیقی ، ڈاکٹر نصرت ،انجینئرناصر جمال کے ہمراہ رابطہ کمیٹی کے ارکان نے جناح گراؤنڈ عزیزآباد کا دورہ کیا اور ایم کیو ایم کے زیر اہتمام ہفتہ25جنوری کوہونے والے محفل ذکر مصطفی ؐکے سلسلے میں تیاریوں کا جائزہ لیا۔ اس موقع پرڈپٹی کنوینرز نے تیاریوں کے سلسلے میں کام کرنے والے کارکنان سے فرداً فرداً ملاقات کی اور انہیں قائد تحریک جناب الطاف حسین کی جانب سے شاباش اورخراج تحسین پیش کیا۔دریں اثناء انہوں نے کارکنان ، حق پرست ماں بہنوں، نوجوانوں اور بزرگوں سے اپیل کی کہ روح پرورمحفل میں اپنی فیملی کے ہمراہ زیادہ سے زیادہ تعدادمیں شرکت کریں۔