ایم کیوایم کی رابطہ کمیٹی کے ارکان نے عباسی شہید اسپتال میں لیاری سیکٹر کے کارکن نور کی عیادت کی

کراچی ۔۔۔۔23جنوری 2014ء 

متحدہ قو می موومنٹ کی رابطہ کمیٹی کے ارکان عادل خان اورخالد سلطان نے عباسی شہیداسپتال کادورہ کرکے ایم کیوایم لیاری سیکٹر یونٹ29 کے کارکن نورکی عیادت کی اورقائد تحریک جناب الطاف حسین کی جانب سے ان کی خیریت دریافت کی۔وہ کچھ دیر وہاں رہے اور انہوں نے کارکن نورکی صحت یابی کیلئے دعاکی اورڈیوٹی پرمامور ڈاکٹرز اور پیرا میڈیکل اسٹاف کے ارکان سے کہا کہ وہ نورکے علاج معالجے میں کسی قسم کی کوئی کثرباقی نہ رکھیں ۔اس موقع پر کراچی تنظیمی کمیٹی کے ارکان بھی موجود تھے۔ واضح رہے کہ لیاری سیکٹر یونٹ 29کے لاپتہ کارکن کو نامعلوم افرادنے تین گولیاں مارکرشدید زخمی حالت میں ناردرن بائی پاس کے قریب پھینک دیا تھا جہاں انہیں فوری طورپرطبّی امدادکی فراہمی کیلئے عباسی شہیداسپتال لیجایا گیا۔ ڈاکٹرکے مطابق نورکو سر،سینے اورپاؤں میں تین گولیاں لگی ہیں جس کے باعث ان کی حالت انتہائی تشویشناک ہے۔