حق پرست اراکین اسمبلی اقبال محمد علی ، ارتضیٰ فاروقی اور نشاط محمد ضیاء قادری کی شاہراہ فیصل پرجاری احتجاجی دھرنے میں شرکت

متحدہ قومی موومنٹ کے قائدتحریک جناب الطاف حسین کی ہدایت پر حق پرست اراکین اسمبلی اقبال محمدعلی،ارتضیٰ فاروقی اورنشاط محمدضیاء قادری کے کے ہمراہ ایم کیوایم کے ذمہ داران پرمشتمل وفدنے شاہراہ فیصل فلک نازپلازہ پرسانحہ مستونگ کے شہداء سے اظہاریکجہتی کیلئے جاری احتجاجی دھرنے میں شرکت کی اوراحتجاجی دھرنے کے منتظمین سے ملاقات کرکے ان سے سانحہ مستونگ پرقائدتحریک الطاف حسین اورایم کیوایم کی جانب سے دلی تعزیت وہمدردی کااظہارکیا۔انہوں نے سانحہ مستونگ کے شہداء کی مغفرت ،درجات کی بلندی اورزخمیوں کی صحت یابی کیلئے دعاکرتے ہوئے کہاکہ ایم کیوایم متاثرین کے جائزمطالبات کی منظوری کیلئے آوازبلندکرتی رہے گی۔انہوں نے مطالبہ کیاکہ متاثرین کے جائز مطالبات فی الفورمنظورکیے جائیں اورانہیں انصاف فراہم کرنے کیلئے سانحہ میں ملوث دہشت گردوں اوران کے سرپرستوں کوگرفتارکرکے عبرتناک سزادی جائے۔ایم کیوایم کے وفدمیں کراچی تنظیمی کمیٹی کے ارکان اورشاہ فیصل کالونی سیکٹرکمیٹی کے ذمہ داران وکارکنان بھی شامل تھے۔