سانحہ مستونگ کے شہداء سے اظہاریکجہتی کیلئے جاری احتجاجی دھرنوں پربیٹھے ہزارہ کمیونٹی سے مذاکرات کیلئے وفاق جلد از جلد اپنی پوزیشن واضح کرے، رابطہ کمیٹی

کراچی:۔۔۔3 2جنوری2014ء

متحدہ قومی موومنٹ کی رابطہ کمیٹی نے ملک بھر میں بالخصوص کوئٹہ اورکراچی میں ہزارہ کمیونٹی کی جانب سے جاری احتجاجی دھرنوں پرتشویش کا اظہار کیاہے اور وفاقی حکومت سے مطالبہ کیا ہے کہ سانحہ مستونگ میں شہداء سے اظہاریکجہتی کیلئے جاری احتجاجی دھرنوں پربیٹھے ہزارہ کمیونٹی سے مذاکرات کیلئے وفاق جلد از جلد اپنی پوزیشن واضح کرے۔ایک بیان میں رابطہ کمیٹی نے سانحہ مستونگ میں شہیدہونیوالے ہزارہ کمیونٹی کے سوگوارلواحقین سے اظہاریکجہتی کرتے ہوئے کہاکہ ہزارہ کمیونٹی کی جانب سے احتجاجی دھرنوں کودودن ہونے کے آئے ہیں اورگذشتہ دوروزسے جاری احتجاجی دھرنوں میں بزرگ،خواتین،معصوم بچے اوربچیوں اور نوجوان اپنے مطالبات کے حق میں کھلے آسمان تلے سڑکوں پربیٹھیں ہیں۔ رابطہ کمیٹی نے کہاکہ مستونگ کے علاقے درین میں زائرین کی بس پرخودکش حملے کے نتیجے میں25سے زائدزائرین جن میں خواتین اورمعصوم بچے شامل تھے جاں بحق ہوئے جبکہ درجنوں افراد اس افسوسناک واقعے میں شدیدزخمی بھی ہوئے۔رابطہ کمیٹی نے کہاکہ کشیدگی کی فضاء کوختم کرنے کیلئے بات چیت اورمذاکرات کاعمل جاری رکھاجائے اوراحتجاجی دھرنوں کے شرکاء کی دادرسی کیلئے عملاً اقدامات بروئے کارلائیں جائیں۔رابطہ کمیٹی نے سانحہ مستونگ میں جاں بحق افرادکے سوگوارلواحقین سے دلی تعزیت کااظہارکرتے ہوئے شہداء کی مغفرت ان کے درجات کی بلندی کیلئے دعاکی اور تمام زخمیوں کی جلدومکمل صحت یابی کیلئے دعاکرتے ہوئے مطالبہ کیاکہ احتجاجی دھرنوں پربیٹھے افرادکے مطالبات فی الفور تسلیم کئے جائیں،متاثرین کوانصاف اورمعاوضہ دیاجائے۔