مسقط عمان میں پاکستانی اسکول بس میں حادثےکےنتیجےمیں معصوم بچوں کےجاں بحق ہونےپرڈاکٹرفاروق ستارکااظہارتعزیت
لندن۔۔23، جنوری 2014ء
حق پرست رکن قومی اسمبلی و سابق وفاقی وزیر سمندر پار پاکستانی ڈاکٹر فارو ق ستار نے مسقط عمان میں پاکستانی اسکول بس میں حادثے کے نتیجے میں معصوم بچوں کے جاں بحق ہونے پر گہرے دکھ اور افسوس اظہار کیا ہے ۔ایک بیان میں ڈاکٹر فاروق ستار جاں بحق ہونے والے معصوم بچوں کے اہل خانہ اور پاکستانی کمیونٹی سے بھی دلی تعزیت وہمدردی اظہار کرتے انہیں صبر کی تلقین کی ۔ انہوں نے دعا کی کہ اللہ تعالی جاں بحق ہونے والے معصوم بچوں کو جنت الفردوس میں اعلیٰ مقام عطا فرمائے اور سو گوار لواحقین کو یہ صدمہ برداشت کرنے کا حوصلہ دیں۔ (آمین )