یونیورسٹی روڈ پر کریکر حملے میں شہید ہونے والے ایم کیوایم کے ہمدرد اور بلدیاتی انتخابات میں رضویہ 2سے ایم کیوایم کے نامزد امیدوار وجاہت حسین کی نماز جنازہ انچولی امام بارگاہ میں ادا کردی گئی
نماز جنازہ میں رابطہ کمیٹی کے اراکین ، حق پرست ارکان اسمبلی ، ذمہ داران ، کارکنان اور شہید کے عزیز واقارب کی شرکت
کراچی ۔۔۔22، جنوری 2014ء
گزشتہ روز یونیورسٹی رڈ پر کریکر حملے میں شہید ہونے والے ایم کیوایم کے ہمدرد اور بلدیاتی انتخابات میں رضویہ 2سے ایم کیوایم کے نامزد امیدوار وجاہت حسین کی نماز جنازہ انچولی امام بارگاہ میں ادا کردی گئی اور شہید کو سینکڑوں سوگواران کی آہوں اور سسکیوں کے درمیان مقامی قبرستان میں سپرد خاک کردیا گیا ۔ وجاہت حسین شہید کی نما زجنازہ میں ایم کیوایم کی رابطہ کمیٹی کے اراکین حیدر عبا س رضوی ، عبد الحسیب ، سیف یار خان ، حق پرست ارکان صوبائی اسمبلی حاجی انور ، افتخار احمد ، کراچی تنظیمی کمیٹی کے اراکین ، سیکٹرز و یونٹوں کے ذمہ داران ، کارکنان ، ہمدردوں اور شہید کے عزیز واقارب نے بڑی تعداد میں شرکت کی ۔