یونیورسٹی روڈ پر کریکر حملے میں ایم کیوایم کے ہمدرد وجاہت حسین کی شہادت پر الطاف حسین کا اظہار افسوس

لندن۔۔۔21، جنوری2014ء

متحدہ قومی موومنٹ کے قائد جناب الطاف حسین نے یونیورسٹی روڈ پر مسلح دہشت گردوں کی جانب سے کریکر حملے میں ایم کیوایم ملیرکے ہمدرد اور بلدیاتی انتخابات میں رضویہ 2 سے ایم کیوایم کے امیدوار سید وجاہت حسین نقوی کی شہادت اور دیگر افراد کے زخمی ہونے پر گہرے دکھ اور افسوس کا اظہار کیا ہے ۔ ایک تعزیتی بیان میں جناب الطاف حسین نے سید وجاہت حسین نقوی کے سوگوارلواحقین سے دلی تعزیت وہمدردی کا اظہار کرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ وجاہت حسین شہید کے درجات بلندفرمائے ،انہیں جنت الفردوس میں اعلیٰ مقام عطا کرے اور سوگوارلواحقین کو یہ صدمہ برداشت کرنے کا حوصلہ دے ۔جناب الطاف حسین نے دہشت گردوں کے حملے میں زخمی ہونے والے افراد کی جلدومکمل صحت یابی کیلئے بھی دعا کی۔