لاہور میں مسلح دہشت گردوں کی فائرنگ کے نتیجے میں معروف ڈرامہ نگار اورادیب اصغر ندیم سیدکے زخمی ہونے کے واقعہ پر رابطہ کمیٹی کا اظہار مذمت

کراچی ۔۔۔21، جنوری 2014ء 

متحدہ قومی موومنٹ کی رابطہ کمیٹی نے پنجاب کے شہر لاہور میں مسلح دہشت گردوں کی فائرنگ سے معروف ڈرامہ نگار اورادیب اصغر ندیم سید کے زخمی ہونے کے واقعہ پر سخت ترین الفاظ میں مذمت کی ہے اور واقعہ کو کھلی دہشت گردی قرار دیا ہے ۔ ایک بیان میں رابطہ کمیٹی نے پنجاب میں بڑھتے ہوئے دہشت گردی کے واقعات پر تشویش کا اظہار کرتے ہوئے کہا کہ عوام کو تحفظ فراہم کرنا حکومت کی اولین ترجیحات ہونی چاہئے مگر افسوس کے اس جانب سنجیدگی کا مظاہر ہ نہیں کیاجارہا جس کی جتنی مذمت کی جائے کم ہے ۔ رابطہ کمیٹی نے حکومت سے پنجاب سے مطالبہ کیا ہے کہ وہ ندیم اصغر کی گاڑی پر فائرنگ کے واقعہ کا فوری نوٹس لیا جائے اور اس میں ملوث دہشت گردعناصر اور ان کے سرپرستو ں کو گرفتار کرکے قرار واقعی سز ادی جائے۔انہوں نے اصغرندیم سیدکی جلد و مکمل صحت یابی کیلئے دعا بھی کی۔